تداوم خشونت گروه‌های تبهکار در هائیتی
سازمان بین‌المللی مهاجران وابسته به سازمان ملل متحد اعلام کرد که شمار زیادی از شهروندان به دلیل خشونت گروه‌های تبهکار در هائیتی آواره شده‌اند.
بر اساس آمارهای سازمان بین‌المللی مهاجرت (IOM)، در دسامبر ۲۰۲۳ شمار شهروندانی که بر اثر خشونت تبهکاران آواره شده بودند، ۳۱۵ هزار نفر بود اما این رقم طی یک سال سه برابر شده و به ۱ میلیون و۴۱ هزار نفر رسیده است که بیش از نیمی از آنان کودک هستند.
سخنگوی سازمان بین‌المللی مهاجرت اعلام کرد که این رقم، عدد بسیار بزرگی است و گفت: «این رقم بسیار بالا است و جای نگرانی دارد.»
وی اعلام کرد که بیشتر شهروندان ناگزیر هستند چند بار جای خود را تغییر دهند و اظهار داشت که شمار آوارگان در شهر پرتوپرَنس، پایتخت هائیتی، ۸۵ درصد افزایش یافته است.
آمو پوپه، مدیرکل سازمان بین‌المللی مهاجرت، جامعه بین‌الملل را به حمایت و حفاظت از شهروندان در هائیتی فراخواند.
بحران هائیتی به تدریج عمیق‌تر می‌شود و مقامات سازمان بین‌المللی مهاجرت، جامعه بین‌المللی را به افزایش همکاری‌ها و حمایت‌ها فراخواندند.
